Veteranët ja mësyjnë hyrjes të Kuvendit| Jashari: Ruani qetësinë, institucionet dhe policia janë tonat

16:48 | 16 Qershor 2022
Gita

Veteranët protestues kanë tentuar të thyejnë kordonin e policisë së Kosovës tek hyrja e Kuvendit, por e menjëhershme ka qenë ndërhyrja e krerëve të Organizatës së Veteranëve të Luftës së UÇK-së.

Kryetari i Shoqatës së Familjarëve të Dëshmorëve të UÇK-së, Xhavit Jashari, i bëri thirrje protestuesve të ruajnë qetësinë, shkruan arbresh.info.

“Ruani qetësinë, institucionet janë tonat, policia është e jona”, deklaroi Jashari para protestuesve duke i lutur të mos i afrohen kordonit të policisë.

Veteranët e UÇK-së për më shumë se shtatë orë po qëndrojnë para Kuvendit të Kosovës.

Ata duan tërheqjen e ligjit për lartësinë e pagës minimale, pasi kaloi në lexim të parë.

Ata e konsiderojnë të jashtëligjshëm miratimin e këtij ligji pa përfshirjen edhe të pensioneve të tyre./arbresh.info/

LEXO EDHE

Klinaku revoltohet me veteranët: Mos boni hajgare, mos e prishni protestën, s’jam as me pozitën as me opozitën – Arbresh.info